It libben wie net folle fleur oan,
dat se socht it yn ’t bestjurre byld
fan kitsch en keunst, de fûgel foel net ôf,
se hat it as de earste sydwyn field,
mar foar it hakjen wie it noch te gau.

De bloei fan lea en geast wie har wol
oan te sjen doe’t sy it fierder brocht
as dy’t har ûnderbrochten yn it skift
fan ’t fûgelguod, mar sjoch de kleurespjocht,
dy’t hakket foar it libben, net fan drift.