Skyn

oktober 21, 2016

Beide binne sterk as stiel
en troch de ieuwen hinne mannen
dy’t kraaiend namen harren diel
fan ’t libben, grutske hoannen.

Ien set op in hease kiel
om ’t fromme godsfolk op te roppen;
it hat oan ’t himelsk erfskip diel,
want alles komt fan boppen.

Troch de wike draait er rûn,
in pronktopstik op alle winen,
oan grûn noch grêf noch goaden bûn,
syn ropping is wjerskine.

Ridderlik stiet hy symboal
foar hoofske leafde en fiktoarje,
net bang foar fijân en foar boal,
syn ropping… skyn ferdoarje.

Recente berichten