Sis it mar

admin

oktober 24, 2016

Sis it mar

Hoefolle hat men net te sizzen
oer it libben dat de tiid trochrint
fan berte oant hoefier men is,
in stream dy’t noch oan breedte wint,
moatst hearre, dan hoechst neat te missen.

Do hast in protte al te rissen,
sjoch nei hoe’t de stôk de roazen draacht
de hichte yn dêr’t blau it docht,
dus sis it mar, ik harkje graach,
fertel, do hoechst neat út te lizzen.

Wat moat ik oer de roazen sizze
mei de eagen ticht, ik kear my yn
mysels en sjoch hoefier ik bin
op wei nei wêr’t ik hear de wyn
en harkje om mar neat te missen.