Rûtesifers

oktober 9, 2016

Se steane foar it Fryslân-boerd
en sykje op wêr’t sy hjir binne.
’t Waar koe minder, dat no hjoed
in rûte fytse, mar wêrhinne?

De fingers glide hin en wer,
wol linich yn it sifers wizen,
kilometers fier… om dêr
op dizze middei foar te kiezen?

Se fytse rûtes by de rûs,
allinnich ’t binne firtuele.
Einlings traapje se nei hûs,
’t bekende paad, mar wat kin ’t skele?

’t Kin him neat skele, want hy rint
en lit it Fryslân-boerd links lizze
foar ’t reële, hy fersint
him net en sil gjin rûte sizze.

Recente berichten