Rotondewolken

admin

september 24, 2016

Rotondewolken

De lêste blêden holden har noch fêst
oan tûken dy’t it wol ferwachten
dat it sa ferrinne soe en nei de lêst
fan buien, twirjend en mei frachten
heil, it keale libben kaam fansels ta rêst.

Berêstend joech it tûkeramt him oer
oan ’t skouspul boppe, mar ek ûnder:
wolkeloften, draaiend sûnder rêst en doer,
wjerspegelen rotonde, ’t wie in wûnder
dat it draaide sûnder ien oan ’t stjoer.