Reidtekje

admin

november 4, 2016

Reidtekje

Hy leit it deade winterreid,
de risping fan ferline jier,
dêr’t hy as snijer goed fan seit:
‘It wie in fries- en iiskâld feit,
ik wurke op ‘e glêde flier.’

In skeane flier is ’t wurkterrein
dêr’t hy it sniene reid op leit
oer ’t lange, wit hoe âlde ein,
mar dêr is ’t lêste net mei sein:
‘Ik stryk it glêd, sa’n tek fan reid.’

Wannear’t de dei glydt nei de jûn,
dan is de ein sawat in feit
en sjocht er speurend yn it rûn
oant hy it ark en oanhâld fûn
hat yn de faam dy’t him wol leit.