Op ien ein

admin

oktober 14, 2016

Op ien ein

Wat is noch langer iepenbier,
tagonklik foar it folk fan goede wil?
De gong oer strjitte falt net ta
mei tichte harsens fan it bier,
in lege flesse dy’t er smite sil.

Wat is it folgjende stasjon
op ’t dûbelspoar fan dizze maatskippij?
It spoart net dy’t gjin maten ha,
dan mar in buordsje op ’t perron,
it eigen kaartsje hinget der net by.

Wêr raast de lêste trein op ta
mei ’t dûbeleach op it priveeterrein?
In feewein is wol gaadlik sa,
fynt Grutte Broer, hy wol ús ha
dêr’t wy net wêze wolle: op ien ein.

Treinen op stoom Ballade fan Sina’s deadespul