Op ‘e Frjentsjerterfeart

It is noch fier nei Frjentsjer,
mar folle koarter binnentroch
as oer de stêden fan de tocht
dy’t útkomt op ’e Bonkefeart,
it is mar hoe’t men it besjocht.

Wa’t gek wie, gie nei Frjentsjer,
sa’nien giet foar simpel troch,
om’t hy de risiko’s net sjocht
fan wekken yn de wiffe feart…
doarp Tirns berikt men nei in bocht.

Wa’t giet, komt wol yn Frjentsjer,
want de grûn is hurd genôch
foar alle kluners fan de tocht,
dy hawwe fan it riden leard
en hâldfêst foar de redens socht.