Oars fan aard

november 7, 2016

De iene hat de holle heech
lykas it boarst en hert,
de oare kin dat spite,
mar oars is it no ienkear net,
want sljocht heart net by de elite.

Sy binne ljocht fan kleed en aard,
mar kopswier troch de kroan,
dat wolle se net witte,
it giet no ienkear nimmen oan
dat sy mei pineharsens sitte.

Wat fierder sit it sljochte folk,
gjin skamte foar in gat
yn lang fergiene gloarje,
net ûntefreden oer har lot,
dus wêrom moat de wrâld feroarje?

Recente berichten