Oan de wâl

admin

oktober 16, 2016

Oan de wâl

Hoewol’t de himel ’t wrâldfolk melde
– bin jim lytsens wol bewust
ferlike by de gong fan ’t swurk –
wie ien ding dat foar harren telde:
libbensfeart giet om it hurdst.

Se sniene oan op harren rûte
boeien messkerp foar de rest
dat bloed ferkleure ’t stielen wurk,
mar nimmen tocht oan skuld of boete,
inkeld klonk soms lûd protest.

Doe op ‘e grins fan tongertiden
wiisden leaden loften mâl,
de swiere klap kaam op ‘e durk;
it wie de ein fan al har striden,
lamslein lizzend oan de wâl.