Natuerlik dreame

Lit him mar dreame oer potinsje,
want dat is de werklikheid,
syn krêft leit yn wat hinget,
dy’t er trochjout oan it neiteam,
dat is de konsekwinsje.

Gjin keunst, want dêrfoar is er berne,
’t giet him hiel natuerlik ôf,
mei nocht docht hy syn sprongen;
is it klear, dan dreamt er fierder
oer wat net hoecht te wennen.

Syn hoarnen binne om te blinken,
yndruk meitsje op ’t geslacht
dat skruten by him opsjocht;
soargen hat er net oer ’t neiteam,
dat krijt by har wol drinken.