De mantelmiuwen sochten heech
in suchtsje wyn, mar fûnen ’t net
op gleone fuotballampen;
de dwile koppen makken ’t kriezjen dreech,
wat yngong tsjin de miuwewet.

De iene woe de mantel út
fanwege drippend fearreswit,
mar koe dat net bekriezje;
de oare hold doe ek syn snaffelsnút,
hy wie mar foar de helte fit.

Doe socht de earste ’t hegerop:
kommunikaasje mediaal
mei help fan in antenne;
de dwilens streamde út ‘e miuwekop
mei tagelyk it jasferhaal.