Mastersuniversiteit

admin

oktober 13, 2016

Mastersuniversiteit

It ideaal lei by de bern
en myn komôf sei hiel gewoan:
as skipperssoan foar heech ferlern;
wat leger nei in fêststeand feit:
de mastersuniversiteit.

It kweekgebou wie trije heech,
in toer om leech by op te sjen
mei ’t each dat noch net folle seach,
mar út ‘e hichte klonk: ‘Hearsto
it koeren fan de wite do?’

Hjoed stie ik wer foar it gebou,
de do hong tsjin de muorre oan,
ferslein as finzen yn in kou,
de sinne lei mei ’t each op ’t feit:
dat wie myn universiteit.