Linshichte

admin

november 1, 2016

Linshichte

De loft is oeral like heech,
al is it foar it each faak ûngelyk,
ôfhinklik fan de eigen hichte:
leit de lins de kimen leech,
dan strielet blau en wyt as ’t himelryk.

Karibysk blau jout troch it jier
de sinne romte en de minske sin
oan yn de djipte of de hichte,
oars mei wite skippen fier
de see op, nei Atlantis as it kin.

As wolken driuwe boppe ’t gea
fan feale greiden en it grauwe wiet,
dan moat men sels de hichte sykje
mei it wyt fan seilen, nea
lit men de lins lykas er dêr sa stiet.