Kwerulant

november 5, 2016

’t Soe oars, sa koe it net,
se fleagen alle kanten út,
’t moast rinne nei in fêst beslút:
de rjochte wet.

It minskdom as model:
op basis fan de wittenskip
in rjochte streek fan stip nei stip
en sa yn tel.

Foarearst de rjochte dyk
en twads en treds de berm en sleat,
sa rûn gjin parallel ferkeard,
elk streekgelyk.

De hazzemaster spant
syn eachstreek by de rige lâns,
mar ien hat dwerse streken: Hâns,
de kwerulant.

Recente berichten