Keunstich paad

admin

november 9, 2016

Keunstich paad

Brûk liniaal en kleurpotlead
en lûk de swarte streken
yn de breedte, dan ek fertikaal
en kleurje blau, giel, swart en read,
de keunst komt fan de leken.

Wa’t sa tinkt, libbet mei de waan
dat alles komt yn streken
sûnder keunstners mei har byldferhaal,
sjoch leaver nei in Mondriaan,
dy nimt de leek geweken.

As leek gean ik it keunstich paad
fan samar smiten stiennen,
dat natuerlik sprekt op grutte skaal,
want breed en lang is ’t nei de aard
fan wa’t gewoanwei rinne.