Keunst

oktober 7, 2016

In foarm ferbûn noch mei de ierde,
feroarjend yn de rin fan ’t jier:
natuerlik keunstwurk libjend wier,
gjin hân om ’t groeiproses te lieden.

Achter glês op doek yn list
de kleur yn foarm
troch hân dy’t wist
wat wie de noarm.

De snoeier hie as ark de seage
en smiet de tûken by de dyk:
natuerlik keunstwurk, ûngelyk
foar elk dy’t sjocht mei oare eagen.

Hout bewurke ta de skyn
fan skip, as sier,
sylt sûnder wyn
it hiele jier.

Recente berichten