Iepen sliepe

admin

november 5, 2016

Iepen sliepe

Nachts sykje se de hichten op
en sweve mei elkoar as protters
yn in swerm fan links nei rjochts
en op en del, dan nei de top,
wa hat it dan oer botters?

Earst yn de neinacht giet it op
de delte ta, skean nei de botter,
rekket ien fertiisd yn ’t net
fanwege dize yn de kop
as hied er him ferwrotten.

Dêr leit er útteld op ‘e búk,
want solo giet er troch it libben,
oars as ’t duo ûnder seil,
yn alle iepenheid dochs smûk,
fannacht wie dat har stribjen.