Hjerststriid

oktober 11, 2016

Noch is der himelsblau,
in útflecht nei wjersiden,
swevend op termike tiden
mei de fearren fan de pau.

It wyt wurdt fluch it grau,
dat gau beset de siden,
klear om dûkend fûl te striden,
sjit de kûgels kleurleas ôf.

In blauwe tank stiet klear
midsmank it bûnte leger,
skiere fearren fan de reager
mei de snaffel as gewear.

De jagers strielje ’t ear
mei kriezjen, wylst se dûke
om har moddermiel te brûken,
docht de hagel har net sear.

Recente berichten