Harsensstjitte

november 5, 2016

It bonkte oer it hiele gea,
gjinien hie ’t yn de gaten
wa’t it yn de harsens hie
om mei sa’n lûd sa lûd te praten.

De protters wisten har gjin rie
en fleagen nei de tsjerke
foar har eigen feilichheid,
in triljend lûd kaam fan de flerken.

It wie tafallich, mar in feit
dat op ‘e toer de hoanne
wiisde op in frjemd duel,
hy hie it út ‘e earste boarne.

It kaam der yn it koart op del:
in striid fan harsensstjitte,
wa’t it yn de harsens kriich
om mear as stomme skiep te witten.

Recente berichten