Gjin hâlden oan

Hoe lang kin men it rjochtop hâlde?
Faaks wol hûndert jier,
teminsten as de rêch it rêdt
om net te bûgen foar de âlde
dei, it libben sêd.

Mar beart de stoarm troch lette blêden,
hâldt de stam yn ’t spier,
dan kreaket hiel it bonkerak
en is it libben net te rêden,
klinkt ferskuorrend… krak.

Hoe lang sil ’t leuninghout it hâlde?
Wurdt de ferve skier,
dan is ’t in spul fan waar en wyn,
’t giet djipper as mar licht ferkâlden,
’t hâldt fernijing yn.