Ferskil yn langte

admin

november 2, 2016

Ferskil yn langte

It hat wer west, de silerij,
in hichtepunt en tagelyk
in lange rige yn it jier,
tradysjoneel, mar dochs ek nij,
foar wrotters har sportyf ûntwyk,
mar wol in skoft yn ’t spier.

Se meitsje harren meters lang
as Lipton Ice Tea op ‘e dyk,
dy’t troch de droege kielen glydt,
ferbylding fan de earste rang
dat wike moat wa’t net omlyk
wol yn de silersstriid.

Sy farre troch, by ’t striidfjild lâns,
mei langte foar it deistich brea
en foarrang op ‘e silerij,
in rom fol fracht is harren kâns,
in lege dei jout inkeld skea
en Lipton rydt foarby.