Feroaring fan leauwe

Twa pompebledsjes op ’e i,
it moat dus wol yn Fryslân wêze
dat de Christen Unie him sjen lit
as de partij mei acht gesichten,
mar der is noch mear te lêzen.

It leauwe spilet ek in rol,
soks heart no ienkear by it wêzen
fan de Christen Unie, wat elk wit,
it giet by harren nei de hichte,
mar wol oars, sa kin men lêze.

Yn Súdwest Fryslân leit it oars
mei ’t leauwe fan de kandidaten
fan de Christen Unie, want it sit
sa: nei Súdwest giet harren leauwe
út, dêr is net tsjin te praten.