Fergese krystjûn

fan Ernest Hiolle*

It barde op ús krystjûn
dat Kristus wer net berne waard,
hoewol’t men nei him útsjoen hie,
lykas de joaden nei Messias,
dy’t kristenen ûnthjitten hiene
dat de soan fan David komme soe,
fergees, it lei net yn syn aard.

Dat aard hat wol Narcissus
yn Washington, Jeruzalem
en wêr’t hy op ’e wrâld ek is;
Narcissus sjocht him as Messias
dy’t arrogant him heger achtet
as de soan fan David en ek as
de Palestyn yn Betlehim.

Lit barre dat Narcissus
yn Washington, Jeruzalem
en wêr’t er op ’e wrâld ek is,
fersûpt yn ’t eigen libbenswetter,
dan sille joad en kristen smachtsje
nei de tiid dat berne wurde sil
in Palestyn yn Betlehim.

* Ernest Hiolle (1834-1886)
Byld ‘Narcissus’