Fan sulver nei goud

admin

november 2, 2016

Fan sulver nei goud

Pyt Hein hie mar in lytse namme,
mar hy wûn de Spaanske sulverfloat,
sadat it hiele folk jûchheide,
as liuw seach ’t lân net op in moard,
it gie dochs om de bút, ferjamme!

Lit him gewoan mar Sytse hjitte,
skipper fan ‘Sydsulver’, silersskou,
wat rustich oan de wite siden,
mar lykas sulver bliuwt syn frou
de skou, dat wol er witte litte.

Dan Leonardus’ lange namme,
koe mei ’t swarte jild gjin kant mear út,
sadat hy ’t oan Neptunus wijde,
de liuw beskermet no de bút,
it goud hat hy him nea foar skamme.