It kaam yn ’t DNA fan skiep
dy’t hoeder Abraham út Oer meinaam:
’t oase-gen fan raam troch ei nei laam,
yn ’t skaad dêr foelen se yn sliep.

’t Oase-gen fan yn woestyn
op syk nei skaad feroare yn de tiid,
de evolúsje brocht Frysk bloed deryn,
liet brûzje, siede yn de striid.

Want wylst de sinne ’t skieppebloed
fertinne, striden keppels om it skaad,
de iene fûn yn de oase baat,
de oare siet wythjit yn noed.