De twa fan Starum

admin

september 25, 2016

De twa fan Starum

De frouwe fan stêd Starum,
wat skôget sy de ieuwen troch
oer ’t wetter om har langstme
nei ’t kostberst wat der is, mar noch
net oan de skiere kimen gloarret,
dochs wat sy no mei oare eagen sjocht.

De sêge kaam foar eagen
fan him dy’t sân pear earen hie:
de rykdom en de pleagen,
wat kostber wie, waard nea wer sie,
mar hy beseach it mei syn eagen:
it aventoer as heechste ideaal.

Sy stiene doe yn Starum
tegearre yn in nij ferhaal
en stoarren oer de weagen,
wylst dreamend op ferlytse skaal
en wat sy yn de fierte seagen…
in dûbelgrut geheim yn byldetaal.