Brekpunt

november 6, 2016

Falt it risiko te hifkjen
fan de swierte fan in stoarm
dy’t oer it libben raast?
Dat stoarmet ek, fan haast nei haast
oant kreakjend klinkt alarm.

Nei it brekpunt, komplisearre,
hinget dat noch oaninoar
wat like langer fêst,
mar koartwei siet de kop dernêst,
troch ’t stoarmjen yn de war.

Medisinen, operaasje,
spesjalisten witte mear
as ’t brein fan in pasjint,
dêr’t seachsel stoarmet, lang al wend,
it libben docht soms sear.

Recente berichten