Breingif

november 7, 2016

Noch bringe se de wille,
fûgels fan it lege lân
dat hieltyd leger wurdt:
it gif komt út ús hân
en hat it gea ferstille.

Noch lit er him hjir hearre,
op ‘e peal klinkt syn alarm
omdat it dreger wurdt:
it gif is nei de noarm
om krekt noch net te stjerren.

Noch hakket er de gatten
yn de beam, noch krekt net dea,
dat heger komt er net:
it gif krûpt yn syn brea…
begjint ús brein te wrotten?

Recente berichten