Blautong

Op harren kaam de kym griis oer,
it lot trof elk, stokâld of jong,
twa stiene noch op poaten,
ien hie de ein al yn de bek…
blautong.

De wittenskip kaam sniewyt oer:
de wite reagers yn totaal
sa’n fyftich, heech op poaten,
foar oerlis oer ’t faksin, mar dat
ferhaal…

… kaam net sa maklik oan de ein
mei hjir in kikkert, dêr in mûs,
twa fan wol hûndert soarten,
’t bleau net by trije… deaden by
de rûs.