Alternative sleep

Gjin sleeptou hat er nedich,
oprôle leit it om de bolder,
de hiele winter al,
’t leit net oan strange froast,
de waarprofeet spriek kolder.

De sinne bringt gjinien ta stân,
it útgeansfolk bliuwt langer lizzen
yn ’t waarme winterhol;
hoe let derôf, wit Joast,
op snein is ’t min te sizzen.

Mar efkes fierder, op ’t Grutsân,
stean fytsers efkes út te pûsten,
fan alve stêden fol,
twa slokken foar de toarst…
wer wurde hannen fûsten.