De dei begjint, mar starte docht gjinien,
de hoarnboat leit ferlern, allinne
yn de wiidte fan de mar;
ik bin allinnich mei syn lot begien,
sil by him lâns, want hjoed wol ‘k winne.

De middei soarget foar in suchtsje wyn
en fluitsjend túch ik op, allinne
skuorre oan it dûbelfal
en stiet it seil, dan syl ‘k de fierte yn,
allinnich wit ik net wêrhinne.

It koeltsje driuwt my by de startboat lâns,
de topposysje is hjoed mines
mei de loete yn de fok,
de wiidte fan de mar jout my de kâns,
jûchheiend syl ik troch de finish.