Men sei ’t koe sprekken lije,
mei dy fjouwer like ’t ideaal:
acht fuotten op ‘e flier
en hân yn hân yn ’t iepenbier,
dat al mei al in goed ferhaal.

Doe kaam de tiid fan lijen,
mei de krisis spatte ’t út elkoar:
twa fuotten derby wei,
’t waard foar elkien in ommeswaai,
se rekken út it rjochte spoar.

Se stiene wer yn ’t neaken,
diskear mei in oar, in rotgefoel:
de hannen yn it hier,
de skuor kaam yn it iepenbier,
de smoargens streamde yn ’t rioel.

* Ray Charles
Keunstwurk mei ferskillende materialen
‘Famylje Românse’ (1993)

** Georg Baselitz
Keunstwurk mei ferskillende techniken
‘De grutte nacht yn de goate’ (1963)