Wylst sy de turven hastich loeget,
kroadet hy de lêsten oer it paad
de planke op, sa nei de boppelêst
en derby del, ’t giet sûnder praat,
want beide bodzje… daliks rêst.

Wylst tweintich poaten steane, slûget
hy, syn wachtsjen hat gjin fêste doer
en boppedat, de sit foldocht him bêst,
mar fart de skûte, dan is ’t oer,
syn jagersrop ferbrekt de rêst.

* Vincent van Gogh (1853-1890)
Skilderij ‘Turfskûte mei twa figueren’

** Anton Mauve (1838-1888)
Skilderij ‘Fjouwer jaachhynders’