Ut ûnderfining

fan Diego Velázquez

Al lang hat sy it libben preaun
mei yn har goede tiid befallings
lykas pykjes krûpend út it aai,
twa hinnen ha har foarbyld folge,
inkeld hoantsjes kamen koart dêrnei.

Sy is yn ’t hûs allinnich bleaun,
mar hat yn ’t hok wol fjouwer hinnen
mei in hoanne dy’t fiktoarje kraait
en priuwt fan in foarbyldich libben,
net it foarbyld dat har noch wat seit.

Har beppesizzer is bedreaun
yn ’t sykjen fan it hinnefretten,
bringt foar ’t streksum miel ek in pompoen,
mar kin it hoanne-foarbyld noch net
folgje, aaien binne oars ek sûn…

… fynt beppe, dy’t it libben preaun
hat sa’t it wie út ûnderfining:
‘Sa, myn jonge, hjir is dyn bakt aai.’

* Diego Velázquez (1599-1640)
Skilderij ‘Alde frou bakt aaien’