Spot as spear

fan Lovis Corinth*

As ridder fan ’t ferline
hold er ’t kulturele heech,
de wearden fan de foarfaars
glommen op it hurde stiel,
de takomst woe er sa beskine.

De takomst briek syn stielen
idealen mei de kriich
dy’t útbriek yn Europa,
wat him streekrjocht rekke yn
de siel, de wûne is nea hiele.

Dochs hold er fêst oan wearden
fan eartiids, heech de banier
om tsjin de takomst yn te
striden, spot waar as in spear
dy’t glimmend stiel noch syn siel kearde.

* Lovis Corinth (1858-1925)
Skilderij ‘Selsportret yn  harnas’