Rom rûnom

fan George Jones*

Dêr stiet er yn syn galery,
de kiste tusken skilderijen,
dy’t sprekke fan in ryk bestean
yn kleur, wat meibrocht rom
rûnom, hy mocht de lof wol lije.

Dêr leit er tusken suver wyt,
hy koe it net op fuotten hâlde,
hoewol’t er graach noch trochgean woe;
syn galery wie rom
genôch foar nije tusken âlde.

Dêr stean se, om him yn de rou,
en skôgje heech en djip oer ’t libben
dat ryk oan kleur wie, earm oan kwea,
dus sei de Hear: ‘Kom,
do krigest rom sicht, hast goed stribbe!’

* George Jones (17876-1869)
Skilderij ‘Turners deadskiste yn syn galery’