Primeur

fan Joseph Benoît Suvée*

Gjin skaad kin sûnder ljocht,
de sinne deis, de kears by nacht,
it rint mei dier en minske op,
stiet nea deastil, is nea kearsrjocht,
it libben stiet model.

Sy seach har mei it skaad
bewegen, stie op slach doe stil
en kriich ’t idee: ik bin model
om fêst te lizzen mei in maat
mysels… mar stean ik stil?

Har maat hold har stiif fêst,
’t kaam del op langer deastil stean
as mar in tel, dus elke spier
stie spand, sadat gjin streek kaam nêst
it skaad… ’t waard in primeur.

* Joseph Benoît Suvée (1743-1807)
Skilderij ‘De útfining fan de tekenkeunst’