Se binne út ‘e modder kommen
oant de earen ta fersmoarge,
mar it wie net om ‘e nocht,
it gie om ’t gasgefjocht,
dus hiene se fan bargen.

Se ha earst nei de djipte moatten
om folslein út sicht te reitsjen,
want de kûgels fleagen leech,
de lege dei wie dreech,
gjin grap om lang te laitsjen.

De hichte yn mei lange snuten,
want de lucht wie bot fersmoarge,
wat elk dier de dea oandie,
behalve roek en krie,
dy hiene wat fan bargen.

* Henry De Groux (1866-1930)
wie djip ûnder de yndruk
fan de Earste Wrâldoarloch,
dy’t er yn etsen en tekeningen
fêstlei.