Masters fan de stof

fan Rembrandt*

Wêrom net as masters op ’t portret?
Sy steane yn foar kwaliteit
en sitte net foar neat yn ’t fak;
gjin stof dy’t fan har ’t stimpel krijt
fan eksellint, brûkt foar in platte pet,
sy binne mei de hoed wol ûnderdak.

Op it kleed leit prominint it boek
mei alle stalen kreas beskreaun,
de ponge heart ek op it plús,
want kapitaal is masters freon,
matearje makket harren mear as tûk,
se binne sa op alle fronten thús.

Kalvinist, mennist en remonstrant,
dêrby ek noch in katolyk,
as masters fan de stof dus rom
genôch foar God syn Keninkryk;
lit har seis dagen sitte foar de klant,
de sânde stiet beskreaun as dimmen… from.

* Rembrandt (1606-1669)
Skilderij ‘De staalmasters’