As jonge wied er gek op stoom en seilen,
dy loeken him foargoed oan board,
dêr’t hy syn moed rap peile
koe: ‘Omheech mei kloer en poat!’

By winterwaar mei snie en hege weagen
moast hy yn ’t want en weage mei,
seach kloer noch poat foar eagen,
stapte, griep, mar mis en lei.

Se blaasden stoom en reek en hisen seilen,
it dek wie skjin, gjin spatsje bloed;
hy glied, gjin praat oer keile:
‘Hein him op oan hân en foet…’

* William Turner (1775-1851)
skildere in wrâld fan ljocht en kleur.
Skilderij ‘Sniestoarm’
Skilderij ‘Begraffenis op see’