Foargoed tegearre

november 12, 2016

fan ûnbekend*
Se ha in libbenlang tegearre west,
hy haadman yn it leger,
sy fan stân wat leger,
om har hinne wie de rest.

It libben troch de jierren waard in test,
hy klom op ’t lêst noch heger,
mar sy krige ’t dreger,
want de kriichsdea wie de pest.

Wat nei it libben kaam, wie net de fraach,
de dea koe ’t net bedjerre:
man en frou tegearre
lizzend op ‘e sarkofaach.

* Terracotta sarkofaach mei lizzend pear
(525-520 foar Kristus)

Recente berichten