Hy besocht dernei te libjen
wat de kears ferljochte hie,
it Wurd dat him wat die:
it ear de kant út fan de oar,
it wurd as treast, de hân as help,
it byld wie tagelyk syn stribjen.

Under ’t Wurd ‘La joie de vivre’,
’t libben dat ek freugde bringt:
it wurd as liet, de hân dy’t skinkt
de flesse leech, de romer fol
fan lit ús drinke mei elkoar,
de ien wol graach de oar gerive.

Oer it eargat sit de lape,
harkje slagget amper mear
nei ’t fykjen yn syn ear,
wat naam ‘la joie de vivre’ mei
nei oaren, drinkend mei elkoar
en wa’t allinnich bleau, wie stapel.

* Vincent van Gogh (1853-1890)
Skilderij ‘Stillibben mei Bibel’
Skilderij ‘Selsportret mei ferbûn ear’