Archive for the Skûtsjesilen category

Foel it seil fan Siete* slop?
Hy moast der net oan tinke
dat dy Gerritsma it koartsje soe,
dan liet er ’t skip noch leaver sinke.

Dêrom seage hy de kop
earst fan de kont, de boegen
gûlden om’t it skip wol sinke soe,
mar dwerstroch barde op it droege.

Sa’t de skipper stiek it krop
foarút om de prestaasje,
waard it skip wat langer, dat it soe
de striid wol sile mei mear faasje.

Waard it seil fan Siete slop?
Hy mocht mear meters sette,
om’t dy Gerritsma net koartsje koe
fanwege ’t hege krop op ’t wetter.

* Siete Meeter

In winterstoarm kaam oer de float
en twirre om de hjitte hollen
fan guon skippers, baas oan board:
gjin tugeplan fan Gerritsma,
want lytser wie har dochs tefolle.

Hear Siete* bearen oer de prof:
‘Wy kinne sels it seil wol hysje,
jou kompjûters mar ferlof,
gjin tugeplan fan Gerritsma,
wy ha yn Fryslân sels ambysje.’

Broer Lodewijk** begûn doe ek:
‘Kompjûters kin ik net mei sile,
sifers meitsje my gau gek,
gjin tugeplan fan Gerritsma,
lit ús mar mei de seilen piele.’

Foarkant Friesland Post, juny/july 1977

’t Wie Sietse*** dy’t de lading joech:
‘Yn ’t rom wat tonnen sân as ballêst,
smyt it oer in oare boech
as ’t tugeplan fan Gerritsma,
want laden foeren skûtsjes poerbêst.

* Siete Meeter
** Lodewijk Meeter
*** Sietse Hobma