Archive for the Skûtsjesilen category

Hy* hâldt him oan it poartsje fêst
by ’t sykjen fan it Drachtster roer
dat weiwaard ûnder wetter,
it sylnocht is him no wol oer,
hy hat gjin stjoer mear, inkeld lêst
hoe’t fragen  fleane op ‘e kletter.

Hy hat gjin antwurd op ‘e fraach
hoe’t yn syn eigen berteplak
it skip gjin hichte hâlde
koe yn it smelle Folkertsrak;
sels komt er út in skipperslaach
fan hâld it hoeden by it âlde.

It antwurd komt dan fan Wâldsein,
de manlju fan it hysbedriuw
fan ‘Under komt wer boppe’;
om’t ûnder is gjin fêst ferbliuw,
is ’t Drachtster skûtsje rap oerein
mei ’t roer en alle wiete koppen.

* Wiemer Hoesktra, skipper fan Drachten

Wolken, wyn en weagen,
eleminten foar de striid
op Wide Ie en Pikmar,
mar it skipsfolk krige amper tiid
foar wat har kaam foar eagen.

Bakboard! Stjoerboard wike,
’t Hearrenfean derachter lâns,
De Jouwer koe it hysje,
krige fan de Feansters alle kâns,
teminsten sa’t it like.

’t Fean yn topposysje
troch de finish sûnder fjoer
en nei de striid gjin flagge,
want foar ’t Jouster skûtsje wie it oer,
it koe ’t op ’t lêst net hysje.