Archive for the Skûtsjesilen category

Sjoch hoe’t de moanne it te sizzen hie
mei ’t lûken fan in heale ring,
de liuw-kommisje wie rap út ‘e rie:
in lette start nei sinsfertsjustering.

De skûtsje-liuw woe nei it sinneljocht
en tocht yn it begjin: ik spring
deryn, net wittend oft it koe of mocht,
dus kaam op Grou in dekfertsjustering.

De Lemmer sylde sterk op ’t eigen wiet
en liet de liuw de spegel sjen
sa’t mei sljochtsinnigens op ’t wetter giet,
de earste slach wie foar de liuw ferlern.

De twadde kaam op ’t droege hurder oan,
de sjuery fûn ’t in nuver ding:
de liuw as kening op ‘e Grouster troan,
dus kaam der wer in sinsfertsjustering.

Meastal sjocht de skipper fier foarút,
omdat de finish foar de foarstaach leit,
de streek fan ’t skot, dy’t ropt fan kom,
mar as in skip de septer swaait,
dan sjocht de stjoerman achterom.

Douwe* sjocht it seil fan ’t Grouster skip
net mear, allinnich noch de keale mêst
en boppe-yn syn namgenoat,
dy makket fluch in sluting fêst,
dan sylt Doarp Grou wer yn de float.

Douwe hat doe net de oanslach sjoen
op Grou fan Drachten mei syn lange gyk,
dêrby ’t protest as bruorremoard**,
wat krekt net útrûn op in lyk…
de streek fan ’t skot en feest oan board.

* Douwe Visser
** Berend Mink fan Grou
Jehannes Mink fan Drachten