Archive for the Skûtsjesilen category

Wa kin better ’t waar foarsizze
as in basis foar de fljocht
nei heger sfearen?
Want piloaten fleane rjocht
op wolken ôf, it kin net misse.

Mar as kommandanten sizze
dat it út is mei ’t berjocht
foar skûtsjesilers,
fielt de skipper him bekocht,
hy wol de waarfrou* leafst net misse.

Draait it út op eskalaasje,
dan ferliest it skippersfolk
it fan de loftmacht,
dus ferdriuw de tongerwolk,
dan sylt de float wer wis… mei faasje.

* Marijke Waalkens, eks-meteorologe
fan fleanbasis Ljouwert

In skipper, oeral thús, kin switche,
mar it wie nea earder bard,
dat Anne* gie foar in primeur;
De Jouwer hat him earst net ward,
Langwar kriich grien foar de transfer.

In boargemaster** kin ek switche,
fan kommisje ien nei twa
en ek werom, dêr gie er foar;
De Jouwer woe him net mear ha,
dus nei Langwar, sa klonk yn koar.

De boargemaster en de skipper
hiene beide in primeur:
se kamen foar Langwar yn ’t spier
en woene ôf fan dat geseur,
want rare praatsjes klonken fier.

Friesland Post july 2000

* Anne Tjerkstra
* Bert Kuiper, boargemaster fan Skarsterlân