Archive for the Religy category

It is yn goud beskreaun,
in frommes fan formaat,
wa sil har fine?
Sân kralen binne reaun,
folslein is it ferskaat,
sa sil sy him ferskine.

Zaijn stiet rjocht oerein
lykas har krêftich stal
om oan te reitsjen;
de kroan, derboppe lein,
past op har holle wol,
dat twatal sil it meitsje.

In frommes fan formaat
rint yn it read foaroan,
sil hy dy fine?
Hy stiet by har yn ’t skaad,
is fan deselde toan,
de leafde sil har bine.

Sjoch ek: Religy Alef, Beet, Gimel, Dalet, Hee, Wav

En is de minske hiel allinne
op ‘e ierde, ek al iensum yn ’t hielal?
En stjerren binne dôve foar de fal
en watfoar minske brânt him oan de sinne?

En doe ’t it wêzen noch begjinne
moast, wie yn it neat allinne, mar wêr, God
dy’t alles skoep wat komme moast oan bod,
de ierde en de himel om te kennen.

En kenne is it stean en rikken,
froumins as ferbining tusken ierdestof
en himelflam, in dûnsjen God ta lof,
har yn de trije hoeken swaaiend skikke.

En hoe’t twa trijehoeken rinne,
is in himelsk skeppen nei de ierde ta,
de frou tsjut oan it hiele wêzen sa,
de Davidstjer blinkt sterker as de sinne.

Sjoch ek: Religy Alef, Beet, Gimel, Dalet, Hee