Archive for the Religy category

Wat godlik is, leit djip beskûle
yn de kearn dy’t gloeit as fonk,
de skyl slút der omhinne,
dat gjin slang fynt dêr syn honk.

De libbensbeam hat hege doelen,
ripe fruchten op ‘en paad
mei fonken dy’t allinne
ljochtsje neffens harren aard.

Twa fruchten litte har ferbine,
barmhertigens en it ferstân,
wa’t dêrfan yt, sil rinne
streekljocht nei ’t beloofde lân.

Wat godlik blinkt, is dêr te finen,
de boarne by de libbensbeam,
de fonken sille ’t winne
fan de skyl, ien yn de stream.

Sjoch ek: Religy
Alef, Beet, Gimel, Dalet, Hee, Wav, Zaijn, Chet,
Tet, Joed, Kaf, Lamed, Mem, Noen, Samech, Ajin,
Pee, Tsadi

In fisker fart it wetter op
om linen út te smiten,
hat geduld en wachtet oant
de fisk begjint te biten.

Syn heak is foar de fisk in strop,
dy giet syn dea temjitte,
mar de fisker, om ’t bestean,
hy kin der net mei sitte.

Tsaddiek, de fikser fan de fonk
dy’t libbet yn de siele,
wurket djipper as foar lean,
syn fiskheak kin ek fiele.

En doe’t de fonk sawat ferdronk
yn seeën fan swier lijen,
loek tsaddiek de fiskheak oan
om rjocht en ljocht te krijen.

Sjoch ek: Religy
Alef, Beet, Gimel, Dalet, Hee, Wav, Zaijn, Chet,
Tet, Joed, Kaf, Lamed, Mem, Noen, Samech, Ajin,
Pee