Jesaja, dy’t profetetaal
spriek, sei: ‘Do wurdst net better,
oarderje dyn einferhaal.’

Hizkia bea om libbenstiid,
spriek fan syn goede dieden
foar de Iene yn de striid.

Jesaja kaam op ’t wurd werom:
‘Do silst net langer bliede,
sjoch, ’t foarútsicht is wer rom.’

Hizkia krige op ‘e swolm
in koeke mei flink figen,
mar de kening waard net kalm.

Jesaja makke ’t sicht doe rom
troch ’t teken dat er krige:
streek foar streek gie ’t skaad werom.

* Jacob de Backer (sirka 1555-sirka 1585)
Skilderij ‘Foarsizzing fan Hizkia’s genêzing’